Kace, Telo, Woh Lima

Lepah lebih kughe 3 menggu cuti sem..loni aku balik smula ko UIA. Smeta jah segho, tok puah agih dok ghumoh..huhuhu gini la idop soghe pelajar gak.. tingga mok ayoh kapong demi nok capa cito2. kecek pasa kelik kapong ni nak ceghito sikik pasa cuti baghu ni.

Pengangkute awe hok paling aku suko naik kalu nok kelik kapong tok laen tok buke keto api. Skalo aku naik keto espreh daghi KL Sentral pah tu tughun di Guo Muse. Daghi Muse aku ambek keto api loko ke kapong Bertam Baru. Keto api loko di Kelate biasonyo kalu mulo dari 'Tupat sapa Muse jah tapi loni die gi steret alah ko Lipis. Dan dari Lipis ke 'Tupat. Biasonyo atah keto api loko ni ado oghe jua makene gheknge mace kace, telo puyuh, cakkelat, ase masing dan banyok lagi la.

ase masing nga kace kudo seriya 'supit

Tok peghaih tersebut ake jale dari koh ke koh bele2 oyak kace telo,kace telo woh lima, tupat ado woh pauh ado..ni sebaga contoh jah..biaso tok peghaih ake sebut baghe makene hok dio jua.

Oghe pangge dio Pok Wi

Saloh sore tok penghaih hok aku kena ialah Pok Wi..tu gamba dio lek atah nu..loni hanyo tingga Pok Wi dan anok2nyo sajo hok jua atah keto api loko dari Muse ko 'Tupat dan sebaliknyo. Ado so 'teko ho Pok Wi buwi ya itu..antagha pise nga banana hok mano so beto? hahahaaha. 

Hahahaah..gitu lah nok oyaknyo oghe kelate ni suko nego walopo kecik-kecile de atah keto api jah. Rezeki tu ado dok mano2 asa ko kito panda cari pahtu berseghoh pado Allah Taala..Wallahualam